Mari Kalam Na Aansu ( " મારી ક્લમ ના આંસુ " )

ઝાંઝવાનાં નીર નો આધાર લઇને શું કરું?
જે ન પોતાનો થયો, એ પ્યાર લઇ ને શું કરું?
-બેફામ

જોયું પગેરું કાઢી મહોબત નું આજ તો,
એના સગડ દીવાનગીના ઘર સુધી ગયા.
-ઘાયલ

અશ્રુની રડતી સૂરતમાંમેં હસતી મૂરત જોઇ છે
આ આંખ રડી છે અંત લગી
પણ હસતાં હસતાં રોઇ છે.
-ઘાયલ

તારી પ્રીતિનો સુગંધી સંગ બીજાને મળ્યો,
તું છે એવું ફૂલ જેનો રંગ બીજાને મળ્યો.
-બેફામ

કારણ વિના હરીફ જે મારો બની ગયો,
લાગે છે એણે મારું અનુકરણ કર્યું હશે.
-સૈફ પાલનપૂરી